💔 रिसेप्शनच्या स्टेजवर रक्तरंजित हल्ला! नवरदेव कोसळला… नवरी किंचाळली 😢

 

AMRAVATI | अमरावतीत रिसेप्शनमध्ये नवरदेवावर चाकू हल्ला,अज्ञात हल्लेखोर पसार अमरावतीच्या बडनेरा येथे आयोजित नवविवाहितांच्या रिसेप्शन कार्यक्रमात नवरदेवावर दोन अज्ञात व्यक्तींनी चाकूने हल्ला केल्याची धक्कादायक घटना रात्री घडली.

हल्ल्यानंतर दोन्ही आरोपी स्टेजच्या मागील बाजूने पळून गेले असून, संपूर्ण प्रकार रिसेप्शनमध्ये लावलेल्या ड्रोन कॅमेऱ्यात कैद झाला आहे. माताफैल परिसरातील सुजलराम चरण समुद्रे याचा विवाह सोमवारी अचलपूर येथे पार पडला होता. बडनेरा रोडवरील साहिल लॉन येथे रिसेप्शनचे आयोजन करण्यात आले होते. 

रात्री सुमारे १०.३० वाजताच्या सुमारास जेवणाचा कार्यक्रम सुरू असतानाच दोन संशयित व्यक्ती स्टेजवर पोहोचले. एका काळ्या शर्टमध्ये तर दुसरा जर्किनमध्ये होता. त्यांनी अचानक नवरदेवावर चाकूने हल्ला केला. सदर घटना ड्रोन कॅमरामध्ये पूर्णतः कैद झाली आहे. घटनेनंतर पाहुण्यांमध्ये आरडाओरड सुरू झाला.

 नवरदेव जखमी अवस्थेत खाली कोसळला, तर नवरी घाबरून ओरडू लागली. काही पाहुण्यांनी आरोपींचा पाठलाग करण्याचा प्रयत्न केला, मात्र ते अंधाराचा फायदा घेत पसार झाले. हल्ल्यानंतर काही क्षणांमध्ये लॉन परिसरात तोडफोड झाल्याचेही सांगितले जात आहे. यावेळी लग्न समारंभात ड्रोन कॅमरा उडत असतांना हे सर्व कृत त्यात कैद झाले आहे.