🛑 ट्रक खाली अडकली दुचाकी—क्षणात मृत्यूचा चक्रावणारा खेळ!

 कल्याण पूर्वेतील वालधुनी पुलाजवळ ट्रक व दुचाकीचा भीषण अपघात झाला आहे. प्रतिबंधित क्षेत्रात अवजड वाहनांची धाव सुरू असताना हा गंभीर प्रसंग घडला. ट्रकच्या धडकेत दुचाकीवरील महिला व दुचाकीस्वार ट्रकच्या पुढच्या चाकाखाली अडकून गंभीर जखमी झालेत.

 नागरिकांच्या आरडाओरडानंतर ट्रक चालकाने गाडी थांबवली, अन्यथा मोठी दुर्घटना घडण्याची शक्यता होती. या अपघातातून पती–पत्नी थोडक्यात बचावले असले, तरी दुचाकीचे मोठे नुकसान झाले आहे. वालधुनी पुलावर अवजड वाहनांना प्रवेश बंदी असतानाही सुरू

 असलेली वाहतूकीमुळे पोलिसांच्या कार्यपद्धतीवर नागरिकांनी गंभीर प्रश्नचिन्ह उपस्थित केले आहे. दरम्यान, ट्रक चालकाविरोधात कोळसेवाडी पोलीस ठाण्यात गुन्हा दाखल करण्यात आला आहे.