🌾 जमीन वादाचा रक्तरंजित शेवट… एकाचा मृत्यू! 😱

 BULDHANA | शेतीच्या वादातून मारहाण एकाचा मृत्यू;दोन गंभीर जखमी आणि सहा जखमी, दहा आरोपी अटकेत - मेहकर तालुक्यातील अंजनी बु, शिवार येथे 10 नोव्हेंबर च्या सायंकाळी शेतीच्या वादातून झालेल्या हाणामारीत एकाचा मृत्यू, दोन गंभीर जखमी आणि सहा जखमी झाले होते. या प्रकरणात डोणगाव पोलिसांनी नऊ जणांना अटक करून न्यायालयात हजर केले असता न्यायालयाने त्यांना दोन दिवसांची पोलिस कोठडी सुनावली आहे. या प्रकरणात दोन्ही बाजूंनी परस्परविरोधी तक्रारी नोंदविण्यात आल्या आहेत. 

चिखली तालुक्यातील मंगरूळ नवघरे येथील विकार खां जाबीर खां पठाण यांनी डोणगाव पोलिसात दिली आहे. ते आई-वडील आणि नातेवाइकांसह अंजनी बु शिवारातील शेतात गेले असता, मंजूर सय्यद बिराम व त्याचे साथीदारांनी हल्ला केला. या हल्ल्यात फिर्यादीचे आत्याच्या पती सय्यद अयाज सय्यद वाहेद यांच्या डोक्यावर वार झाल्याने त्यांचा जागीच मृत्यू झाला. तर काही जखमी झाले. 

या प्रकरणात पोलिसांनी सय्यद मंजूर सय्यद बिरामसह त्याचे आठ साथीदारांविरुद्ध गुन्हा दाखल केला आहे. या घटनेनंतर विरोधी गटाकडूनही प्रत्युत्तरार्थ तक्रार नोंदविण्यात आली आहे. सय्यद कुटुंबातील दहा जणांनी मारहाण केली. या तक्रारीवरून पोलिसांनी विकार खां पठाण व त्याच्या नातेवाइकांसह दहाजणांविरुद्ध गुन्हा दाखल केला आहे. तर गंभीर जखमींना छत्रपती संभाजीनगर येथे उपचारासाठी हलविण्यात आले आहे.