🚨 जालना हादरलं! 💰 17 लाखांच्या चोरीचा थरार 😱 चोरटे काही तासात गजाआड!

 

JALNA | 17 लाखांची चोरी करणारे चोरटे काही तासातच जेरबंद जालना शहरातील एका घरातून सतरा लाख रुपयांची रोख रक्कम आणि चांदी चोरणाऱ्या चोरट्यांना कदिम जालना पोलिसांनी अवघ्या काही तासात बेड्या ठोकल्या आहेत. या चोरट्यांच्या ताब्यातून शंभर टक्के मुद्देमाल जप्त करण्यात पोलिसांना यश आल असून जिल्ह्यातील ही पहिलीच अशी कारवाई मानली जात आहे.

    जालना शहरातील महापालिकेसमोर असलेल्या शिवशक्ती मिल येथील नरेंद्र गुलाबशाह सावजी यांच्या घरात अकरा नोव्हेंबर रोजी सायंकाळी सहा वाजता चोरी झाली होती. त्यानंतर या प्रकरणात कदिम जालना पोलीस ठाण्यात गुन्हा दाखल करण्यात आला होता.

 पोलिसांनी अवघ्या काही तासात चोरट्यांना बेड्या  ठोकल्या असून त्यांच्या ताब्यातून 17 लाख 76 हजार रोख आणि 5 किलो वजनाच्या चांदीच्या विटा असा मुद्देमाल जप्त करण्यात आला आहे. या प्रकरणात पोलिसांनी संशयित आरोपी अविनाश अंकुश वाघमारे आणि यशराज सतीश खांडेभराड यांना बेड्या ठोकल्या आहेत. 

 विशेष म्हणजे आरोपी हा सर्व मध्यमाल घेऊन फरार होण्यासाठी त्यांची स्कार्पिओ दुरुस्त करत असताना त्यांना पोलिसांनी बेड्या ठोकल्याने त्यांचा पुढील प्रयत्न अयशस्वी ठरला आहे. ही कारवाई पोलीस अधीक्षक अजय कुमार बंसल, अप्पर पोलिस अधीक्षक आयुष नोपानी यांच्या मार्गदर्शनाखाली पोलीस निरीक्षक जनार्दन शेवाळे, पोलीस उपनिरीक्षक  मोरे, पोलीस कर्मचारी बाबा गायकवाड, विलास राऊत, सदाशिव राठोड यांच्या पथकाने केली.