🌩️ जालना पुरवठा विभागाची धडक मोहीम!💥 गॅसचा गैरवापर

 

 जालना शहर आणि तालूक्यातील काही व्यावसायिक लोक सर्रासपणे घरगुती वापरासाठी असलेल्या एलपीजी (LPG) गॅस सिलेंडरचा उपयोग आपल्या व्यावसायिक कामांसाठी करत असल्याच्या अनेक तक्रारी पुरवठा विभागाकडे प्राप्त झाल्या आहेत. या गंभीर तक्रारींची दखल घेत तहसील कार्यालयाच्या पुरवठा विभागाने आता अशा नियम मोडणाऱ्या व्यावसायिकांवर धडक व दंडित्मक कारवाई करण्याची तयारी सुरू केली आहे. 

पुरवठा विभागाचे अधिकारी प्रकाश जाधव यांनी या संदर्भात अत्यंत कडक सूचना दिल्या असून, घरगुती गॅसचा गैरवापर त्वरित थांबवावा, अन्यथा कठोर कायदेशीर कारवाईला सामोरे जावे लागेल, असा स्पष्ट इशारा पुरवठा अधिकारी जाधव यांनी दिला आहे. हॉटेल, रेस्टॉरंट, चहाची दुकाने, वडापाव स्टॉल्स आणि इतर लहान-मोठे व्यावसायिक आस्थापने घरगुती गॅसचा वापर करत असल्याचे निदर्शनास आले आहे.

 हा गॅस सबसिडीवर (सवलतीच्या दरात) मिळतो, त्यामुळे व्यावसायिक वापरामुळे सरकारचे आणि सामान्य ग्राहकांचे मोठे नुकसान होते. तपासणी मोहिमेदरम्यान जे व्यावसायिक घरगुती गॅसचा वापर करताना आढळतील, त्यांच्यावर महाराष्ट्र अत्यावश्यक वस्तू अधिनियम आणि एलपीजी नियंत्रण आदेश अंतर्गत दंडित्मक कारवाई करण्यात येईल. यात मोठा आर्थिक दंड तसेच गॅस सिलेंडर जप्त करण्याची आणि कायदेशीर खटला दाखल करण्याची तरतूद आहे.

 "घरगुती गॅस सिलेंडर हा केवळ आणि केवळ घरगुती वापरासाठी आहे. कोणताही व्यावसायिक वापर पूर्णपणे बेकायदेशीर आहे. व्यावसायिकांनी त्वरित व्यावसायिक गॅस सिलेंडर वापरावा आणि दंडात्मक कारवाई टाळावी," असे आवाहन पुरवठा अधिकारी प्रकाश जाधव यांनी केले आहे. तहसील कार्यालयाच्या वतीने लवकरच विशेष पथके तयार करून जालना शहर आणि ग्रामीण भागामध्ये अचानक तपासणी मोहिम हाती घेण्यात येणार आहे, अशी माहितीही त्यांनी दिली.