🚨 जालना जिल्ह्यातील खादगाव हादरलं — विवाहितेचा मृतदेह पाण्यावर तरंगताना! ❓ ही आत्महत्या? की काहीतरी वेगळं?

JALNA | जालना जिल्ह्यातील खादगाव येथे एक मन हेलावून टाकणारी घटना उघडकीस आली आहे. या घटनेविषयी सविस्तर माहिती अशी की, दिनांक 2 नोव्हेंबर 2025 रोजी खादगाव येथील विवाहित महिला नामे सानिया शेख साजीद (वय 21 वर्ष हल्ली मुक्काम रा. चंदनझिरा जालना) हरवल्याची तक्रार तिचा पती शेख साजीद याने चंदनझिरा पोलीस ठाण्यामध्ये मिसिंग दाखल केली होती. 

यावरून या महिलेचा शोध सुद्धा पोलीस घेत होते. मात्र, आज अचानक या महिलेचा मृतदेह तिच्याच शेतात म्हणजे खादगाव तालुका बदनापुर जिल्हा जालना येथे शेतात असलेल्या विहिरीत पाण्याच्या वर तरंगताना आढळून आला आहे. चंदनझिरा पोलिसांच्या टीमने तात्काळ घटनास्थळी जाऊन महिलेचा मृतदेह नागरिकांच्या मदतीने पंचायत समक्ष वर काढला व जालना येथे जिल्हा रुग्णालयात आणला असता त्या ठिकाणी उपस्थित असलेल्या डॉक्टरांनी तिला तपासून मृत घोषित केले.

     सदरची घटना ही मयत विवाहित महिलेच्या घरच्यांना माहिती होताच जिल्हा रुग्णालयात शेकडो त्याच्या नातेवाईकांनी गर्दी केली व आमच्या मुलीला तिच्या पतीने व सासरी तसेच दीर यांनी मारल्याचे म्हंटले. कारण ते मागील कित्येक दिवसांपासून आमच्या मुलीला माहेरवरून पैसे आणं असे म्हणून नेहमी आमच्याकडे पाठवून देत होते. आमची परिस्थिती हालाखीची असल्यामुळे आम्ही पैसे देऊ शकत नव्हतो. त्यामुळे ते आमच्या मुलीला नेहमी मारहाण करत, त्रास देत होते. मात्र, आता त्यांनी आमच्या मुलीचा काटाच काढला आहे. 

त्यामुळे यांना कडक शिक्षा व्हावी, अशी मागणी मयत विवाहित महिलेच्या नातेवाईकांनी केली आहे. तर या संदर्भात पोलीस ठाण्याचे सहाय्यक पोलीस निरीक्षक चव्हाण यांनी माहिती दिली की, यामध्ये जे पण आरोपी असतील त्यांना तात्काळ अटक करून योग्य ती कारवाई केली जाईल व या मयत विवाहित महिलेच्या मृत्यूप्रकरणी या परिवाराला योग्य तो न्याय दिला जाईल.