🩸 20 गुन्ह्यांचा बादशाह अखेर पोलिसांच्या जाळ्यात! 🔥 🔫 कुख्यात गुंडाचा गेम ओव्हर! 🚔

  उल्हासनगर कॅम्प-५ मधील गॅस गोडाऊन परिसरात 18 एप्रिल 2024 रोजी पहाटे 2.30 वाजता प्रेम ननावरे आणि भावेश भोईर यांच्यावर हल्ला करण्यात आला होता.

 बाबू गायकवाड, रुद्र मैराळे आणि त्यांच्या दोन साथीदारांनी या दोघांना ठोसे-बुक्क्यांनी मारहाण केली होती. या हल्ल्यात भावेश भोईर गंभीर जखमी झाला होता. या प्रकरणी चौघांविरोधात हिललाईन पोलीस ठाण्यात गुन्हा दाखल झाला होता.

 मात्र, घटनेनंतर बाबू गायकवाड फरार झाला होता. दरम्यान, तो आपल्या राहत्या घरी परतल्याची गुप्त माहिती वरिष्ठ पोलीस निरीक्षक संदीप शिवले यांना मिळाली. 

त्यानुसार पोलीस निरीक्षक सिद्धेश्वर कैलासे, एपीआय दत्तात्रय सानप, पीएसआय संग्राम मालकर, अंकुश सुरेवाड, अविनाश सुर्वे यांच्या पथकाने गायकवाड पाडा येथे सापळा रचून त्याला अटक केली.