🔥 “लोक जीव मुठीत घेऊन पळाले!” चौकात दहशतीचे क्षण 😳

 

अमरावती शहरातील मोती नगर चौकात सकाळी सुसाट वेगाने येणाऱ्या कारने अनेकांना जोरदार धडक दिली. ही घटना मोती नगर चौकात सकाळी 11 वाजताच्या दरम्यान घडली. MH 34 K 5289 क्रमांकाची कार सुसाट वेगाने येत असताना मोती नगर चौकात अचानक एकच खळबळ उडाली.

 युवतीचे कार वरील नियंत्रण सुटून कारने रस्त्याने जाणाऱ्या दुचाकी चालकाला तसेच हात गाडी चालकाला जोरदार धडक दिली. इतकच नव्हे तर पुन्हा सुसाट वेगाने ती कार एका गल्लीत जाऊन धडकली. हा धक्कादायक प्रकार पाहून अनेकांनी आपला जीव मुठीत घेऊन रस्त्याच्या कडेला पळाले. 

अखेर कार थांबताच नागरिकांचा मोठा जमाव होऊन त्या कार चालक युवतीवर अनेकांनी चांगलाच रोष व्यक्त केला. या अपघातात निलेश रमेश फाटे, संकेत रमेश फाटे, प्रतिक पांडे, संजय माटे आनंद सिरसाट नामक इसम जखमी झाल्याची माहिती समोर येत आहे.

 एकाला जोरदार धडक दिल्याने गंभीर जखमी झाला तर अन्य तिघे किरकोळ जखमी झाले. फ्रेजरपुरा पोलिसांनी तात्काळ धाव घेऊन चारचाकी वाहनासह त्या युवतीला चौकशी करिता पोलीस स्टेशन येथे घेऊन गेले.