😳 नाशिक-पुणे महामार्गावर भीषण अपघात पाण्याच्या टँकरमागे ‘मौत का जाळ’? कारचा चकनाचूर 💥

 

NASHIK | नाशिक-पुणे महामार्गावरील नासरडी पुलाजवळ दुपारी भीषण अपघात झाला. रस्त्यावर थांबलेल्या पाण्याच्या टँकरला (ट्रॅक्टर टँकर) मागून भरधाव वेगाने येणाऱ्या चारचाकी वाहनाने जोरदार धडक दिली. या दुर्घटनेत दोघेजण जखमी झाले असून स्थानिकांनी तत्काळ धाव घेत मदतकार्य सुरू केले.

धडक झालेल्या चारचाकी वाहनाचा क्रमांक MH 15 JX 0023 असा आहे. या वाहनात प्रवास करणारे डॉक्टर नाशिकमधील सह्याद्री हॉस्पिटलमधील वरिष्ठ सर्जन असल्याची प्राथमिक माहिती सूत्रांकडून मिळत आहे. धडकेची तीव्रता एवढी जबरदस्त होती की वाहनाचा पुढील भाग पूर्णपणे चकनाचूर झाला.

जखमींना तात्काळ जवळील सुविचार हॉस्पिटलमध्ये हलविण्यात आले असून सध्या त्यांच्यावर उपचार सुरू आहेत. चारचाकी वाहन चालकाला गंभीर दुखापत झाली असल्याचे डॉक्टरांनी सांगितले.

अपघात नेमका कशामुळे झाला हे अद्याप स्पष्ट झाले नसून महामार्ग पोलीस सविस्तर तपास करीत आहेत.