😨 रात्रीच्या अंधारात चालणारा काळा धंदा उघड! 🌙

YAVATMAL | वाळूची अवैध वाहतूक करणारे दोन ट्रक जप्त, मारेगाव महसूल विभाग ॲक्शन मोडवर मारेगाव महसूल विभाग अलर्ट मोडवर आला असून वाळू माफियांवर कारवाईचा सपाटा लावला आहे. विना परवाना वाळूची वाहतूक करणारे दोन ट्रक मारेगाव महसूल विभागाने जप्त केला आहे. 

ट्रक एमएच ३० बीई‌. ४२४३ या क्रमांकाचा ट्रक व एम एच २७ डिटी १६८३ या क्रमांकाच्या ट्रक मधून अवैध वाळूची वाहतूक करणाऱ्या दोन वाहनावर कारवाई करून ती वाहने जप्त करण्यात आली आहेत.  कोणताही वैध परवाना नसतानाही नदीपात्रातून अवैध वाळू वाहतूक करून रात्रीलाच ग्राहकांना चढ्या भावाने वाळूची विक्री केली जात असल्याचे चित्र सर्वत्र पहावयास मिळत आहे.

कृत्रिम वाळू टंचाई भासवून ग्राहकांना अव्वाच्या सव्वा दरात वाळू खरेदी करण्यास भाग पाडले जात आहे.महसूल प्रशासनाने कठोर भूमिका घेत अवैध वाळू वाहतुकीवर कारवाईचा सपाटा लावला. दोन वाळूचे ट्रक जप्त करण्यात आले आहे या कारवायांमुळे वाळू माफियांचे धाबे दणाणले आहे.