😨 मुंबई-गोवा महामार्ग थांबला! 🧯 अग्निशमन दल अलर्ट! छोटासा स्पार्कही घातक?

 RATNAGIRI |  हातखंबा येथे केमिकलची वाहतूक करणारा एक टँकर अनियंत्रित होऊन रस्त्यावर पलटी झाला. या अपघातामुळे मुंबई-गोवा महामार्गावरील दोन्ही बाजूंची वाहतूक पूर्णपणे ठप्प झाली आहे, ज्यामुळे प्रवाशांचे मोठे हाल होत आहेत. 

अपघाताची माहिती मिळताच स्थानिक प्रशासन आणि मदत यंत्रणांनी तातडीने घटनास्थळी धाव घेतली आहे. अपघाताच्या पार्श्वभूमीवर खबरदारीचा उपाय म्हणून रत्नागिरी नगरपालिकेचा अग्निशमन बंब घटनास्थळी तातडीने रवाना झाला आहे. टँकरमध्ये केमिकल असल्यामुळे कोणत्याही प्रकारचा धोका होऊ नये यासाठी पोलीस आणि आपत्कालीन पथक खबरदारी घेत आहेत. 

हा अपघात ऐन वर्दळीच्या वेळी झाल्याने महामार्गावर वाहनांच्या लांबच लांब रांगा लागल्या आहेत. वाहतूक पूर्ववत करण्यासाठी आणि अपघातग्रस्त टँकर हटवण्यासाठी प्रयत्न सुरू आहेत.