🚨 वाढदिवस की मृत्यूचा सापळा? रहस्य अधिक गडद!

 सांगलीत धक्कादायक दुहेरी हत्येचा प्रकार समोर आला आहे. दलित महासंघाचे संस्थापक अध्यक्ष उत्तम मोहिते यांचा निर्घृण खून करण्यात आला असून, या चकमकीदरम्यान एका संशयित हल्लेखोराचा देखील मृत्यू झाला आहे.

 ही घटना सांगली शहरातील गारपीर चौकात घडली असून, परिसरात तणावाचे वातावरण निर्माण झाले आहे. मोहिते यांचा मंगळवारी वाढदिवस असल्याने विशेष कार्यक्रमाचे आयोजन करण्यात आले होते. 

याच कार्यक्रमादरम्यान शुभेच्छा देण्यासाठी आलेल्या हल्लेखोरांनी अचानक मोहितेंवर हल्ला चढवला, आणि थरारक पाठलाग करत त्यांचा निर्घृण खून केला. हल्लेखोरांपैकी आरोपी शाहरुख शेख याचा देखील चाकू लागल्याने मृत्यू झाला आहे. 

प्राथमिक माहितीनुसार, हा संपूर्ण प्रकार वर्चस्वाच्या वादातून झाल्याचे पोलिसांनी सांगितले आहे. या प्रकरणी आठ जणांच्या विरोधात गुन्हे दाखल करण्यात आले असून, एका आरोपीस अटक आणि काहींना ताब्यात घेतल्याची माहिती सांगलीचे पोलीस अधीक्षक संदीप घुगे यांनी दिली आहे.