🚨🗳️ सणांच्या नावाखाली लोकशाहीचा खून! ⚠️ १२ महिन्यांत ५१ सणांची रेलचेल 🎉; मग आंदोलनाचा हक्क नाकारणारे तुम्ही कोण? ✊⚖️ पोलिस आणि सत्ताधाऱ्यांची लाजीरवाणी मिलीभगत ? 🚔🏛️🔥

सुधीर जगदाळे | छत्रपती संभाजीनगर

मराठा आरक्षणाच्या हक्कासाठी लढणारे संघर्ष योद्धा मनोज जरांगे पाटील यांच्या मुंबईतील आंदोलनाला दडपण्यासाठी पोलिस प्रशासन आणि सत्ताधारी नेत्यांनी थेट 'हिंदू सणां'ची ढाल पुढे केली आहे. गणेशोत्सवाचे कारण देत मुंबई पोलिसांनी जरांगे यांच्या आझाद मैदानावरील उपोषणाची परवानगी एकदा नव्हे तर तब्बल दोनदा नाकारली! आंदोलन करणे हा संविधानाने दिलेला मूलभूत अधिकार असताना, सणांच्या नावाखाली लाखो मराठ्यांचा आवाज दाबण्याचा हा कुटील डाव मुंबई उच्च न्यायालयाने एका महत्त्वाच्या निकालात हाणून पाडला आहे. "आंदोलनाचा हक्क संविधानाने दिला असून तो हिरावता येणार नाही," अशा स्पष्ट शब्दांत न्यायालयाने सरकारला झापले आहे.

मुळात सवाल हा आहे की, सणांच्या नावाखाली जर लोकशाहीचा गळा घोटण्याची नवी प्रथा पडणार असेल, तर या देशात सर्वसामान्यांनी न्याय मागायचा कुठे? कारण हिंदू संस्कृतीनुसार वर्षाच्या १२ महिन्यांत तब्बल ५१ मोठे सण आणि उत्सव आहेत. जर प्रत्येक सणाचे कारण देऊन आंदोलनांची परवानगी नाकारली, तर वर्षाचे ३६५ दिवस केवळ उत्सवांमध्येच जातील आणि या देशातील शेतकरी, कष्टकरी आणि तरुणांना आपल्या हक्कासाठी रस्त्यावर उतरताच येणार नाही! हा पोलिसांचा आणि सत्ताधाऱ्यांचा 'सणप्रेम' नाही, तर मराठा समाजाच्या रोषाला घाबरून पळ काढण्याचा पळपुटेपणा असल्याची संतप्त भावना आता जनमानसात उमटत आहे.

पंचांग पाहा आणि उत्तर द्या! १२ महिन्यांत ५१ सण; मग आंदोलन करायचे कधी?

पोलिस आणि सत्ताधाऱ्यांनी केवळ मराठा आंदोलनाला रोखण्यासाठी सणांचा बागुलबुवा उभा केला आहे. हिंदू पंचांग आणि इंग्रजी कॅलेंडरनुसार वर्षाच्या प्रत्येक महिन्यात सणांची एवढी मोठी रेलचेल आहे की, या नियमाने महाराष्ट्रात कधीही कोणतीही परवानगी मिळूच शकणार नाही. ती यादी खालीलप्रमाणे:

📅 मार्च - एप्रिल (March – April)
१. गुढीपाडवा, २. चैत्र नवरात्र, ३. श्रीराम नवमी, ४. महावीर जयंती, ५. हनुमान जन्मोत्सव.
📅 एप्रिल - मे (April – May)
६. अक्षय तृतीया, ७. परशुराम जयंती, ८. नृसिंह जयंती, ९. बुद्ध पौर्णिमा.
📅 मे - जून (May – June)
१०. गंगा दशहरा, ११. निर्जला एकादशी, १२. वटपौर्णिमा.
📅 जून - जुलै (June – July)
१३. जगन्नाथ रथयात्रा, १४. आषाढी एकादशी (देवशयनी एकादशी), १५. गुरुपौर्णिमा, १६. दीपपूजा (आषाढ अमावस्या).
📅 जुलै - ऑगस्ट (July – August)
१७. नागपंचमी, १८. मंगळागौर, १९. रक्षाबंधन, २०. नारळी पौर्णिमा, २१. श्रीकृष्ण जन्माष्टमी (गोकुळाष्टमी), २२. दहीहंडी / गोपाळकाल्याचा जल्लोष.
📅 ऑगस्ट - सप्टेंबर (August – September)
२३. हरितालिका तृतीया, २४. गणेश चतुर्थी (गणेशोत्सव - १० दिवस), २५. ऋषीपंचमी, २६. गौरी आवाहन व पूजन (महालक्ष्मी), २७. अनंत चतुर्दशी (गणपती विसर्जन), २८. पितृपक्ष (महालय श्राद्ध - १५ दिवस).
📅 सप्टेंबर - ऑक्टोबर (September – October)
२९. शारदीय नवरात्र (९ दिवस), ३०. दसरा / विजयादशमी, ३१. कोजागिरी पौर्णिमा, ३२. वसुबारस, ३३. धनत्रयोदशी.
📅 ऑक्टोबर - नोव्हेंबर (October – November)
३४. नरक चतुर्दशी (दिवाळी), ३५. लक्ष्मीपूजन, ३६. बलिप्रतिपदा (दिवाळी पाडवा), ३७. भाऊबीज, ३८. तुळशी विवाह, ३९. कार्तिकी एकादशी, ४०. त्रिपुरी पौर्णिमा (देव दिवाळी).
📅 नोव्हेंबर - डिसेंबर (November – December)
४१. मार्गशीर्ष गुरुवार व्रत, ४२. चंपार्षष्टी (खंडोबा सण), ४३. दत्त जयंती, ४४. गीता जयंती.
📅 डिसेंबर - जानेवारी (December – January)
४५. भोगी, ४६. लोहरी, ४७. मकर संक्रांत, ४८. वसंत पंचमी (सरस्वती पूजा).
📅 जानेवारी - फेब्रुवारी (January – February)
४९. रथसप्तमी, ५०. महाशिवरात्री.
📅 फेब्रुवारी - मार्च (February – March)
५१. होळी (हुताशनी पौर्णिमा), धुलिवंदन आणि रंगपंचमी.

⚖️ संविधानाचा सन्मान की सत्तेचा माज?

जेव्हा गृहखाते आणि मुंबई पोलिसांनी कायदा-सुव्यवस्थेचे आणि सणांचे कारण पुढे करत दोनवेळा मराठा आंदोलनाची परवानगी नाकारली, तेव्हा उच्च न्यायालयाने लोकशाहीची मूल्ये अधोरेखित केली. संविधानाचे कलम १९ (१) (ब) प्रत्येक नागरिकाला शांततापूर्ण रीतीने आणि विनाशास्त्र एकत्र येण्याचा व निषेध नोंदवण्याचा मूलभूत अधिकार देते.

उच्च न्यायालयाने प्रशासनाला स्पष्ट सुनावले आहे की, 'सण आहेत म्हणून लोकांचे हक्क थांबवता येत नाहीत. शांततापूर्ण आंदोलनाला सुरक्षा देणे हे पोलिसांचे कर्तव्य आहे, त्यांचे हक्क हिरावणे नाही.' न्यायालयाच्या या चपराकनंतर आता सत्ताधाऱ्यांच्या आणि पोलिसांच्या भूमिकेवर गंभीर प्रश्नचिन्ह निर्माण झाले आहे.

🎯 जनतेचा संतप्त सवाल: राजकीय सभांना सणांची नड नसते का?

सामान्य जनतेमधून आता आक्रमक प्रश्न विचारले जात आहेत की, जेव्हा सणांच्या काळात राजकीय पक्षांच्या मोठ्या सभा होतात, नेत्यांच्या जनआशीर्वाद यात्रा निघतात किंवा निवडणुकांच्या प्रचाराचे नारळ फुटतात, तेव्हा पोलिसांना कायदा आणि सुव्यवस्थेची अडचण का भासत नाही? मग केवळ मराठा समाजाच्या पोरांच्या भविष्याचा, आरक्षणाचा आणि हक्काचा प्रश्न येतो, तेव्हाच सरकारला 'हिंदू सण' कसे काय आठवतात?

हा निव्वळ मराठा समाजाच्या आंदोलनाची कोंडी करण्याचा आणि न्याय्य मागणीला प्रलंबित ठेवण्याचा राजकीय डाव आहे. पण उच्च न्यायालयाच्या निकालानंतर आता सत्ताधाऱ्यांचे हे 'सणप्रेम' म्हणजे केवळ एक राजकीय स्टंट असल्याचे उघडे पडले आहे.