😱भररस्त्यात आई–मुलाला अमानुष मारहाण! गावगुंडांचा रक्तरंजित हल्ला!

 

Beed - जमिनीच्या किरकोळ वादातून आईसह मुलाला गावगुंडाकडून बेदम मारहाण

 : जमिनीच्या किरकोळवादातून महिलेसह मुलाला बेदम मारहाण केल्याचा धक्कादायक प्रकार बीडच्या केज तालुक्यातील सांगावी गावात उघडकीस आला. गावगुंडानी भर रस्त्यात अमानुष मारहाण केलीय, तर यातील गंभीर जखमी महिलेवर खासगी रुग्णालयात उपचार सुरू आहेत. तर याच अमानुषपने मारण्याचा व्हिडिओ मोबाईल कॅमेऱ्यात कैद झाला असून, मारहाण करणाऱ्यावर तात्काळ कारवाई करावी, अशी मागणी केदार कुटुंबाने केली आहे. केदार कुटुंब दहशतीखाली असून जीवे मारण्याची धमकी दिली जात असल्याचं म्हटलं आहे.

5 डिसेंबर रोजी झालेली मारण्याची तक्रार पोलीस स्टेशनला का केली ? म्हणून रस्त्यात अडवून अमानुष मारहाण केली आहे. पोलिसांनी फक्त तक्रार नोंदवून घेतली मात्र आरोपीवर कारवाई केली असती तर पुन्हा ही अशी घटना घडली नसती. या मारहाणीची आपबीती विजयमाला केदार यांनी सांगितली. तसेच जीविताला धोका असल्याचही सांगितलं

दरम्यान बीड जिल्ह्यात मारहाणीच्या घटना थांबायचं नाव घेत नाहीत, त्यामुळे कायदा सुव्यवस्थेचा प्रश्न निर्माण झाला आहे. केज पोलिसांच्या दुर्लक्षामुळे पुन्हा एक गंभीर घटना उघडकीस आली आहे. अगोदरच आरोपींना समज दिली असती कारवाई केली असती तर अशी घटना घडली नसती..हा देखील प्रकार या घटनेनंतर समोर आला आहे