🚨रात्र होताच😨वीज गायब… ट्रान्सफॉर्मर गायब! शेतात घोंगावते ‘ट्रान्सफॉर्मर चोरट्यांची गँग’! पोलिसांचा शोध कुठे? 🕵️‍♂️

 

Kolhapur : कोल्हापूर जिल्ह्यात ट्रान्सफॉर्मर चोरट्यांचा
कहर; महाराष्ट्र इरिगेशन फेडरेशनचे ठिय्या आंदोलन  कोल्हापुरात शेतकऱ्यांच्या वाट्याला नवे संकट आल्याचे चित्र पाहायला मिळत आहे. आता शेतकऱ्यांच्या कृषी पंपांचे ट्रान्सफॉर्मर आणि विद्युत साहित्य चोरट्यांचा कोल्हापुरात सुळसुळाट झाला आहे. गेल्या काही महिन्यात अशा चोरीच्या घटनांमध्ये वाढ झाली आहे. 

जिल्ह्यातील 25 ते 30 सहकारी पाणी पुरवठा संस्थांचे ट्रान्सफॉर्मर आणि विद्युत साहित्य चोरीस गेले असून, एकही गुन्हा उघड न पडल्याने शेतकऱ्यांचा पोलिस प्रशासनावर तीव्र रोष आहे. त्यामुळेच आक्रमक होत महाराष्ट्र राज्य इरिगेशन फेडरेशनने जिल्हाधिकारी कार्यालयासमोर धरणे आंदोलन केले. 

यामध्ये जोरदार घोषणाबाजी देखील करण्यात आली. तर जिल्हाधिकारी अमोल येडगे यांना मुख्यमंत्र्यांच्या नावाने निवेदन देत सहकारी पाणी पुरवठा संस्थांच्या ट्रान्सफॉर्मर चोरीप्रकरणी ठोस पावले उचलण्याची, वाढीव पाणीपट्टी रद्द करण्याची आणि वीज–पाणी धोरणात शेतकरी हिताचे निर्णय घेण्याची मागणी महाराष्ट्र राज्य इरिगेशन फेडरेशनतर्फे करण्यात आली.