😱कामगार आयुक्त विभागाच्या मैदानी परीक्षेत नियमबाह्य बदलाचा आरोप; 47 सुरक्षा रक्षक बाद — परीक्षार्थ्यांचा संताप, ठिय्या आंदोलन

 AMRAVTI |कामगार आयुक्त विभागाच्या वतीने सुरक्षा रक्षक पदाकरिता 4 डिसेंबर रोजी ग्रामीण पोलिसांच्या जोग स्टेडियम येथे मैदानी परीक्षा घेण्यात आली. या चाचणीत परीक्षार्थ्यांनी छाती मोजणे. गोळा फेक सह 400 मीटर धाव चाचणीत सहभाग घेतला. मात्र कामगार आयुक्त विभागाच्या वतीने 1600मीटर धाव चाचणी आयोजित केल्याने यात 47सुरक्षा रक्षक बाद झाले. या चाचणीत काही परीक्षार्थ्यांची तब्येत खराब होऊन त्यांना तात्काळ जिल्हा सामान्य रुग्णालयात उपचारासाठी दाखल करण्यात आले. 

अशात आता सुरक्षा रक्षक म्हणून परीक्षा देणाऱ्यांनी विभागाच्या विरुद्ध आपला संताप व्यक्त केला. प्रहार जनशक्ती पक्षाच्या वतीने कामगार अध्यक्ष गौरव ठाकरे यांच्या नेतृत्वात सहाय्यक कामगार आयुक्त श्रद्धा वाघमारे यांच्या दालनात ठिय्या आंदोलन करून विभागाच्या विरुद्ध चांगलाच संताप व्यक्त करण्यात आला. विभागाने नियमाच्या विरुद्ध मैदानी चाचणी घेतली असा आरोप यावेळी करण्यात आला. जों पर्यंत मागण्या पूर्ण होत नाही तो पर्यत कार्यालयाचा ताबा सोडणार नाही असा इशारा यावेळी देण्यात आला.