🚨 शाळा परिसरात खळबळ! 😮शाळेसमोर सुरक्षेच्या दृष्टीने 🚓 🧐पोलीसांकडून मॉकड्रिलचे आयोजन

 Navi Mumbai : वाशी पोलीसांकडून शाळेसमोर मॉकड्रिलचे आयोजनवाशी पोलीस ठाण्याच्या वतीने आज शाळेसमोर सुरक्षेच्या दृष्टीने मॉकड्रिलचे आयोजन करण्यात आले.

 विद्यार्थ्यांच्या सुरक्षिततेसह आपत्कालीन परिस्थितीत त्वरित आणि प्रभावी प्रतिसाद कसा द्यावा, याचा सराव या मॉकड्रिलद्वारे करण्यात आला.

या मॉकड्रिलमध्ये अचानक उद्भवणाऱ्या संभाव्य धोक्याची माहिती मिळताच पोलिसांनी तात्काळ घटनास्थळी धाव घेऊन परिसराची घेराबंदी केली. विद्यार्थ्यांना सुरक्षित ठिकाणी हलवणे, वाहतूक नियंत्रण, संशयित व्यक्तींची तपासणी तसेच आपत्कालीन यंत्रणांमध्ये समन्वय साधण्याचा प्रत्यक्ष सराव करण्यात आला.

यावेळी पोलिस अधिकाऱ्यांनी शिक्षक, शाळा प्रशासन आणि विद्यार्थ्यांना आपत्कालीन परिस्थितीत घ्यावयाच्या खबरदारीबाबत मार्गदर्शन केले. अशा प्रकारच्या मॉकड्रिलमुळे पोलिसांची तत्परता तपासली जाते तसेच नागरिकांमध्ये सुरक्षा जाणीव निर्माण होते, असे पोलिसांनी सांगितले.

शाळेच्या आवारात व परिसरात शांतता राखत ही मॉकड्रिल यशस्वीरीत्या पार पडली. भविष्यातही नागरिकांच्या सुरक्षेसाठी अशा प्रकारचे उपक्रम राबवले जाणार असल्याचे वाशी पोलिसांनी स्पष्ट केले.