🐂🚨जालना गोवंश तस्करांचा पर्दाफाश! चंदनझीरा पोलिसांचा सापळा! 🔥

 

Jalna:  गेवराई बाजारहून जालना शहरात नेले जात असलेले गोवंश वाहतूक करणारे वाहन जप्त: 

बदनापूर तालूक्यातील गेवराई बाजार येथून जालना शहराकडे कत्तलीसाठी गोवंशाची अवैध वाहतूक होत असल्याची माहिती मिळताच गौरक्षकांनी कारवाई करत एक बोलेरो पिकअप वाहन चंदनझीरा पोलिसांच्या ताब्यात दिले. या वाहनात सात गोवंश आणि एक गाय आढळून आली असून वाहन जप्त करून पुढील कारवाई सुरु आहे.

गौरक्षकांनी दिलेल्या माहितीनुसार, सदर गोवंश जालना शहरात कत्तलीसाठी आणले जात असल्याची खबर मिळाल्यानंतर त्यांनी पिकअपचा पाठलाग करून वाहन अडविले. तद्नंतर वाहन थेट चंदनझीरा पोलीस ठाण्यात दाखल करण्यात आले.

चंदनझीरा पोलिसांनी वाहन ताब्यात घेऊन कायदेशीर प्रक्रिया सुरु केली असून गोवंशांच्या सुरक्षिततेची व्यवस्था करण्यात येऊन सदरील गोवंश शहरातील गौशाळेत सोडण्यात येणार आहेत. गौरक्षकांनी माध्यमांशी बोलताना सांगितले की, “या आठवड्यात चंदनझीरा पोलीस ठाणे हद्दीत अशी तिसरी कारवाई आहे. सतत वाढत असलेली अवैध गोवंश वाहतूक आणि संभाव्य गौहत्या रोखण्यासाठी पोलीस अधीक्षकांनी तातडीने कठोर पावले उचलावीत.”

या सततच्या कारवायांमुळे परिसरात गोवंश तस्करीचा प्रश्न पुन्हा गंभीर बनला असून जनतेतही संतापाची लाट आहे. प्रशासकीय स्तरावर आता या प्रकारांविरोधात अधिक कडक आणि प्रभावी उपाययोजना करण्याची गोरक्षकांनी मागणी केली आहे.